Aurreko astelehenean, maiatzaren 6an, eskolatik zuzenean Zestoara joan ginen. Bertako industrialdeko parkingean utzi gintuen autobusak eta han Ibaik eta Ritxarrek batu gintuzten, gero Sastarrainera joan ginen. 1,7km egin genituen oinez Sastarrainera bidean, geroxeago txakur bat aurkitu genuen. Amona batzuk aurkitu genituen bidean; amona batek makila bota zuen errekara eta txakurrak salto egin zuen. Azkenean Sastarrainera heldu ginen.
Segituan jangelara eraman gintuzten eta bertan Eibarreko umeak egon ziren. Ibaik arau guztiak erakutsi zizkigun eta garrantzitsuenetakoa dezibelio-metroa izan zen. Geroago logelak erakutsi zizkiguten eta bakoitzak bere ohea aukeratu zuen. Bazkaldu eta gero Ekain txiki kobara joan ginen Sara begiralearekin. Ekain txiki ikusi ondoren ekain kobaren azalpenak eman zizkigun Sarak. Orain Sastarrain guztia lehen baserri zahar bat zen. Gutxi gora behera 20 urte inguruko bi mutilek aurkitu zuten. Sastarrainen galdezka ibili ondoren, ekain koba aurkitu zuten. Arkeologoak sartu eta 90 marrazki inguru aurkitu zituzten. Animalia hauen marrazkiak aurkitu dituzte: bisontea, zaldia, oreina, artzak eta abar. Baina gehienak zaldiak, hartzak eta bisonteak dira. Aztarna asko aurkitu dira baina ezin da barrura joan, marrazkiak gure arnasarekin ez ezabatzeko. Orduan arkeologoak bakarrik sartu ahal dira. Horregatik kobazuloaren kopia egin dute jendea sartzeko eta ikusteko nolakoa den Ekain. Geroago sua egitera joan ginen egurrezko txabola batera. LHkoak hau guztia egin genuen bitartean, HHkoak ogia nola egiten den ikasi zuten.
Gero afaltzera joan ginen eta afaldu ostean gau-bela izan genuen. Gau-belara heldu eta joko bat esplikatu zigun Ibaik. Musika kaxa deitzen zen jolasa. Jolas hortan aspertu ginenean diskoteka bat egin genuen. Musika alto alto ipini genuen; argiak amatatu zituen Ibaik eta bakoitzak bere linternak biztu genituen. Handik denbora askora ohera joan ginen. Denok nekatuta egon ginen eta hurrengo egunerarte denek lo egin genuen
Asteartean esnatu ondoren, jantzi eta prest jarri ginen gosaltzeko, kolakaua esnearekin, gailetak, ogia, marmelada eta gurina jan genituen. Gosaldu ondoren hortzak garbitu eta Sara gure begiralearekin Beltz izena zuen pottokan ibili ginen. Geroago ukuilura joan eta katua, pottokak, zaldiak, txerriak, txakurrak, betizuak (behiak)… ikusi genituen. Ukuilutik irten eta gero, Sararekin futbolean ibili ginen 5 minutuz. Oilotegira joan ginen, han ere ahateak, sagu bat eta antzarrak egon ziren. Antzar zuri bat Sararen atzetik joan zen, neskato bat, gure laguna, beldurtu eta guri sakaka hasi zen.
12:30tan bazkaldu genuen, guri ez zitzaigun asko gustatu. Jan ondoren Sasta trukeak egin genituen, elkarrekin jolasteko. Mutilak futbolean ibili ziren, beste eskola bateko ikasleekin. Gu bazkaldu ondoren kartetan, sokasaltoan… ibili ginen.Orduan denoi logeletara igotzeko eta maletak egiten hasteko esan ziguten. Maletak egiten triste-triste egon ginen malkoak maleta barrura erori zirelarik. Maletak egin eta gero Ibaik Sastarraineko parkingo industrialera lagundu gintuen. Handik Amorotora denok autobusean oso triste joan ginen. Denok logura handiarekin etorri ginen Amorotora.
