19. KORRIKA TXIKIA AMOROTON

Martxoaren 23an, Amoroton korrika txikia ospatu genuen.

Zoritxarrez, euria ari zuen eta frontoian egin behar izan genuen. Irakasle, guraso eta ikasleok parte hartu genuen, lekukoa eskutik eskura pasatzen. Ibilbidea amaitu ondoren, lekuko barruan guk asmatutako bertsoak abestu genituen. Ondoren, 2015ko korrikako dantza egin genuen. Amaitzeko, jolas desberdinak egin genituen taldeka.

Nahiz eta eguraldi eskasa egin, oso gustura egon ginen.

 DOINUA:Ama begira ezazu

1-

Martxoak hemeretzi

Korrika hasi da

Amotora heltzeko

Zirraraz begira.

2-

Urepelen hasi da

Aurtengo korrika

Herri askora egin

behar du bisita.

3-

Egun batzuk pasata

Dator Amotora

Bide luzea eginda

Bilbora helduko da.

4-

Lekukoa pasatu

Eskutik eskura

Mezuak zabaltzeko

Bilbotik mundura.

5-

Euskara bultzatzeko

Aurrera pausua

Korrikak sortzen digu

Bihotzean sua.

6-

Amoroton euskara

Bultzatu beharra

Eta hori lortzeko

Badugu indarra